Hrıstıan jigiti meshit qabyrǵalaryna Quran aıattaryn jazýmen aınalysady
ASTANA. QazAqparat - Hrıstıan dinin ustanatyn mysyrlyq Faız ıÝsef óziniń sýretshilik talantyn meshit qabyrǵalaryn Quran aıattarymen bezendirýge jumsap keledi, dep habarlady https://muslim.kz.
Onyń bul jumysyna dindesteri narazylyq tanytqanymen, ıÝsef bul jumysynan bas tartpaıtynyn aıtady. Musylman dostary men kórshileriniń kózindegi qýanysh oty men kúlimsiregen júzderi meni baqytty ete túsedi, deıdi ol.
Ol kallıgrafııa ónerimen áskerde júrgen kezinde tanysqan kórinedi. Áskerı boryshyn óteýge barǵan ol qujattar daıyndaıtyn arnaıy bólimshe qataryna qabyldanady. Osy jerde ol arab kallıgrafııasynyń kóptegen túrlerimen tanysyp, ózin jetildire túsedi. Áskerden oralǵasyn ol osy salada jumys isteı bastaıdy. Árıne, dindesterimniń tarapymnan áli kúnge deıin qarsylyqtar kezdesip jatady, deıdi ol.
«Birde Islam dinin ustanatyn dosym jańa salynǵan meshit qabyrǵasyna Alla Taǵalanyń 99 esimin jazyp berýimdi ótindi. Men buǵan basqa musylmandardyń qalaı qaraıtynyn oılap ýaıymdadym. Degenmen, dosym meni kóndirdi, - dep eske alady ol óziniń alǵashqy meshit bezendirý jumysyn. - Osylaısha, men eń birinshi ret Seıf Nasr meshitiniń syrtyna Allanyń 99 esimin jazyp shyqtym. Men meshit ádebiniń barlyǵyn saqtadym. Aıaq kıimimdi sheship kirdim. Qatty sóılemeýge tyrystym. Meshitke qurmet kórsetýimiz kerek! Óıtkeni, ol - Allanyń úıi».
Ol óz jumysyn aıaqtap bolǵasyn eshqandaı aqy suramaǵanyn aıtady. «Alaıda, meshittiń is basqarýshysy maǵan aqy tóleýge tıisti ekenin aıtyp turyp aldy. Men kelistim. Biraq qansha tóleıtinderi, tipti, qyzyqtyrmady. Sol sátte men alǵash ret meshitti bezendirgenim úshin ózimdi erekshe baqytty sezinip turǵan edim», - deıdi ıÝsef.
Sodan beri ol 15 qulshylyq ordasyn bezendirgen eken. Jamaǵat jınaǵan aqshaǵa salynǵan meshitti tegin kórkemdep beremin, al memlekettik qarjyǵa salynǵan qulshylyq ordalaryn bezendirgenim úshin qansha berse, sonsha alamyn deıdi.
