Hrapýnovtyń burynǵy orynbasary qylmystyq isti toqtatýdy ótindi
ALMATY. QazAqparat - Almatyda ótip jatqan Hrapýnovtyń isi boıynsha sottalýshylar sot aldyndaǵy sońǵy sózin aıtty, dep habarlaıdy QazAqparat tilshisi.
Leıla men Vıktor Hrapýnovtardyń isi boıynsha sot sheshýshi sátine jetip qaldy. Sońǵy sóz de negizgi sottalýshylardyń qatysýynsyz aıtyldy.
Al qalǵan 9 sottalýshy istegen isterine ókinetinderin aıtty.
«Qurmetti sot, men aıtqan epızodtar boıynsha óz qylmysymdy tolyǵymen moıyndaımyn. Men bastyǵym Vıktor Hrapýnovtyń buıryǵymen áreket etkenimdi eskerýińizdi suraımyn. Jerdi paıdalaný boıynsha myńdaǵan is jasaldy. Qatelikter ketti. Oǵan ókinemin. Qylmystyq isti doǵarýyńyzdy suraımyn», - dedi ıAkov Zaıats.
71 jastaǵy sottalýshy laýazymdyq ókilettiligin asyra paıdalanǵany úshin sotqa tartylǵan bolatyn.
Basqa da sottalýshylar Qýandyq Beksultanov, Altaı Qasymov, Abaı Saparov, Serik Esmuhanov, Aınagúl Sadyqbaeva, Ábdýl-Ǵazız Muqashev, Abylaıhan Qarymsaqov, Ǵabıden Qaıymsultanovtar da óz isterine ókinetinderin aıtty.
Munyń aldynda memlekettik aıyptaýshy Vıktor Hrapýnovty 20 jylǵa, onyń áıeli Leıla Hrapýnovany 17 jylǵa, Aııar Іlııasovti 8 jylǵa bas bostandyǵynan aıyrýdy suraǵan bolatyn.
Aıta ketý kerek, erli-zaıypty Hrapýnovtarǵa «memleket múlkin jymqyrdy, alaıaqtyq jasady, laýazymyn asyra paıdalandy, para alyp, uıymdasqan qylmystyq top qurdy» degen aıyp taǵyldy. Olardyń memleketke keltirgen shyǵyny 250 mln dollarǵa baǵalandy.
