Hrapýnovtardy ne úshin sottap jatyr
ALMATY. QazAqparat - Prokýror Almatynyń eks-ákimi Vıktor Hrapýnovtyń isi boıynsha aıyptaý aktisin oqyp berdi, dep habarlaıdy QazAqparat tilshisi aýdanaralyq sot zalynan.
Atalǵan sotta erli-zaıypty Hrapýnovtardyn bólek Qýandyq Beksultanov, Altaı Qasymov, ıAkov Zaıats, Abaı Saparov, Serık Esmuhanov, Aııar Ilıasov, Aınakúl Sadyqbaeva, Abdýl-Ǵazız Muqashev, Abylaıhan Qarymsaqov, Ǵabıden Qaıymsultanovtyń isteri qaralyp jatyr,
«Hrapýnov óz mártebesin paıdalana otyryp ózi men týysqandarynyń materıaldyq jaǵdaıyn jaqsartý úshin jubaıy Leıla Hrapýnovamen ózara ymyraǵa kelgen», - dedi prokýror.
Sonymen qatar memlekettik aıyptaýshynyń aıtýynsha, eks-ákim qylmystyq top qurǵan.
«Barynsha paıda tabý maqsatynda Vıktor men Leıla Hrapýnovtar qylmystyq top qurǵan. Uıymdasqan top quramyna Qýandyq Beksultanov, Altaı Qasymov, ıAkov Zaıats, Abaı Saparov, Serık Esmuhanov, Aııar Ilıasov, Aınakúl Sadyqbaeva, Abdýl-Ǵazız Muqashev, Abylaıhan Qarymsaqov, Ǵabıden Qaıymsultanovtar kirgen. Olardyń árqaısysy jeke ról atqarǵan. Uıymdasqan qylmystyq top negizinen bıýdjet qarjysyn zańsyz jymqyrýmen, memlekettik menshiktegi jer ýchaskeleri men jyljymaıtyn múlikterdi jeke bastaryna aýdarýmen, para alýmen aınalysqan. Aýdarylǵan qarjyny zańdastyryp otyrǵan», - dedi ol.
Aıyptaý aktisine sáıkes, Hrapýnovtar qorǵaýdaǵy tabıǵat nysandaryn, tarıhı-mádenı nysandardy, sý jaǵasyndaǵy terrıtorııalardy menshiktep alǵan.
«Hrapýnov josparǵa sáıkes óziniń qyzmettik laýazymyn paıdalanǵan. Qolastyndaǵylarǵa, laýazymdy tulǵalarǵa yqpal ete otyryp, kommýnaldyq kásiporyndardyń, jekemenshik kásiporyndardyń basshylaryna tapsyrma berip otyrǵan. Bos jerlerdi, kommýnaldyq menshiktegi nysandardy zańsyz ıemdenýge ákimdik aktilerin shyǵaryp, qol qoıǵan. Hrapýnov ózine tıesili kompanııalardyń paıdasyna sheshim shyǵarýǵa yqpal etip otyrǵan. Ortaq paıdalaný menshigindegi jerler zańsyz alynǵan. Jer ýchaskeleri, balabaqsha ǵımarattary memlekettik qajettilik úshin degen jeleýmen jekemenshikke berilip otyrǵan», - dedi memlekettik aıyptaýshy.
Bul operatsııadan túsken aqsha Ilıas pen Leıla Hrapýnovanyń jeke shottary arqyly sheteldik bankterge aýdarylyp otyrǵan.
Hrapýnov Shveıtsarııanyń Jeneva qalasynda kompanııalar tobyn qurǵan.
Aıta ketý kerek, Almaty qalasy qylmystyq ister jónindegi mamandandyrylǵan aýdanaralyq sotynda erli-zaıypty Hrapýnovtarǵa qatysty is qaralyp jatyr.
Vıktor men Leıla Hrapýnovtardan ózge sottalýshylar Qýandyq Beksultanov, Altaı Qasymov, ıAkov Zaıats, Abaı Saparov, Serık Esmuhanov, Aııar Ilıasov, Aınakúl Sadyqbaeva, Abdýl-Ǵazız Muqashev, Abylaıhan Qarymsaqov, Ǵabıden Qaıymsultanovtar sot aldynda jaýap bermek.
Vıktor men Leıla Hrapýnovtar, Aııar Ilıasovqa syrttaı qamaýǵa alý túrinde bultartpaý sharasy qoldanyldy. Qalǵan tulǵalardan eshqaıda ketpeý týraly qolhat alý sharasy tańdaldy.
