Hrapýnovtar otbasynyń isi Almatyda qaralatyn boldy
ALMATY. QazAqparat - Hrapýnovtar Almatyda sot aldynda jaýap beretin bolady. Bul týraly qalalyq prokýratýranyń baspasóz qyzmeti habarlady.
Qalalyq prokýratýra qazir Vıktor men Leıla Hrapýnovalardyń, A.Ilıasovtyń jáne 9 tulǵaǵa qatysty isti sotqa jiberdi.
«Hrapýnovtar men Ilıasovtyń Qazaqstanda bolmaýyna jáne olardyń prokýratýraǵa kelmeýine baılanysty aıyptaý aktisiniń kóshirmesi olardyń qorǵaýshylaryna berildi», - dedi qalalyq prokýratýranyń baspasóz qyzmetinen.
Bıyl 15 jáne 27 aqpanda Sybaılas jemqorlyqqa qarsy kúres Ulttyq bıýrosy aıyptalýshylardyń is-áreketine baǵa berý úshin kelý mindetti ekendigin habarlaǵan bolatyn.
Alaıda olar belgilengen ýaqytta kelmegen.
«Bul tulǵalar memleket múlkin tonaý, alaıaqtyq, qyzmettik laýazymyn asyra paıdalaný, para alý, tonalǵan múlikti zańdastyrý boıynsha aıyptalǵan. Memleketke 250 mln AQSh dollary kóleminde shyǵyn keltirilgen. QR Qylmystyq-protsessýaldyq kodeksiniń 335-baby boıynsha, Qazaqstanda qylmystyq iste sottalýshy joq bolǵan jaǵdaıda ári kelmegende, sot protsesi sottalýshysyz ótedi», - dedi baspasóz qyzmetinen.
