Hrapýnovtar isi: Sottalýshy densaýlyǵy nashar ekenin aıtty
ALMATY. QazAqparat - Almaty qalasy qylmystyq ister jónindegi mamandandyrylǵan aýdanaralyq sotynda erli-zaıypty Hrapýnovtarǵa qatysty aldyn ala sot tyńdalymy bastaldy, dep habarlaıdy QazAqparat tilshisi.
Protsestiń basynda sýdıa Qasym Qalmaǵambetov sot otyrysynda kúbirlep sóılep otyrǵan ákim orynbasary ıAkov Zaıatsqa eskertý jasady.
Protsess barysynda sottalýshylardyń biri Abdýl-Ǵazız Muqashevtyń qorǵaýshysy joq ekeni anyqtaldy. Soǵan baılanysty sýdıa úzilis jarııalady.
«Qylmystyq-protsessýaldyq kodekske sáıkes, sottalýshy joq bolǵan jaǵdaıda da sot protsesi júrgizile beredi. Erli-zaıypty Hrapýnovtardyń, Іlııasovtyń joqtyǵyna qaramastan, qorǵaýshylary bar bolǵandyqtan, sot jalǵasady», - dedi Qasym Qalmaǵambetov.
Odan ári sot sottalýshylardyń anketalyq málimetterin jarııalady.
«Sottalmaǵanmyn. 2008 jylǵa deıin Almaty ákimdiginde jumys jasadym. 2008 jyly jol apatyna ushyradym. Sodan beri densaýlyǵym nashar, jumysym joq. Jasym 71-de, múgedekpin», - dedi ıAkov Zaıats.
Sot qaýlysyna sáıkes, Vıktor men Leıla Hrapýnovtardan ózge sottalýshylar Qýandyq Beksultanov, Altaı Qasymov, ıAkov Zaıats, Abaı Saparov, Serık Esmuhanov, Aııar Ilıasov, Aınakúl Sadyqbaeva, Abdýl-Ǵazız Muqashev, Abylaıhan Qarymsaqov, Ǵabıden Qaıymsultanovtyń isteri qaralýda.
Erli-zaıypty Hrapýnovtar uıymdasqan toppen birge memleket menshigin urlaý, laýazymdyq ókilettikti asyra paıdalaný, alaıaqtyq, para alý, qylmystyq jolmen alynǵan múlikti zańdastyrý baptary boıynsha aıyptalǵan. Qylmystyq áreketterden memleketke 250 mln AQSh dollarynan astam shyǵyn kelgen.
Vıktor men Leıla Hrapýnovtarǵa, Aııar Ilıasovqa syrttaı qamaýǵa alý túrinde bultartpaý sharasy qoldanyldy. Qalǵan tulǵalardan eshqaıda ketpeý týraly qolhat alý sharasy tyńdaldy. Sot isine sýdıa Qasym Qalmaǵambetov tóraǵalyq etti. Aldyn ala tyńdaýǵa memlekettik aıyptaýshy men sottalýshylardyń qorǵaýshylary, jábirlenýshiler qatysty.
