Hrapýnovtar isi: Almatynyń eks-əkimi qandaı múlikterdi zańsyz ıemdengen
Aıyptaý aktisine sáıkes, Hrapýnov isi boıynsha - 20 epızod, Leıla Hrapýnovanyń isi boıynsha- 11 epızod, Leıla Hrapýnovanyń sińlisiniń kúıeýi - Aııara Ilıasovtyń isi boıynsha 1 epızod qaralyp jatyr.
Tek qana 2002-2003 jyldar arasynda Almatyda 50 jer ýchaskesi zańsyz satylǵan. Onyń ishinde Gornaıa 232 mekenjaıyndaǵy alań, Nazarbaev kóshesindegi №186 balabaqsha ǵımaraty, «Shadid Engineering Ltd» jəne «AKB «Kazkommertsbank» JAS jekeshelendirilgen.
Məselen, «Samal-3» shaǵyn aýdanyndaǵy jer telimi turǵyn úı salýǵa «Shadid Engi-neering Ltd» kompanııasyna bergen. Eki jyldan soń ýchaske kompanııadan memleket múddesi úshin tartylyp alynǵan. 2003 jyly kúzde tárkilengen ýchaske Hrapýnovtyń týystaryna berildi.
Jer ýchaskeleriniń keıbiri Leıla Hrapýnovanyń týystarynyń atyna aýdarylǵan.
Odan bólek, 2002 jyly 15 qarashada Hrapýnov normatıvtik quqyqtyq aktilerge sáıkes jerin alýǵa tyıym salynǵan «Medeý»memlekettik tabıǵı parkiniń «Dýbovaıa Roşa» men «Lesnaıa Skazka» demalys alańdaryn zańsyz berý týraly qaýly shyǵarǵan. Sol jyldary Leıla Hrapýnova ǵa qatysy bar «Gýlmıra» JShS «Dýbovaıa Roşa» demalys alańyn 1 mln. 800 myń teńgege, al «Lesnaıa Skazka» alańyn 2 mln 100 myń teńgege satyp alǵan.
Sonymen qatar, Hrapýnov Almaty əýejaıyndaǵy termınaldardy, QR SІM qabyldaý úıi, UOS ardageri emhanasyn, «Saıran» taǵy basqa múlikterdi ıemdendi degen aıyp taǵyldy.
Almaty eks-əkimi «Qýat» qurylys kompanııasynan, «Aıt Haýzıng Kompleks» kompanııasynan para aldy dep aıyptaldy.
Aıta ketý kerek, Almaty qalasy qylmystyq ister jónindegi mamandandyrylǵan aýdanaralyq sotynda erli-zaıypty Hrapýnovtarǵa qatysty is qaralyp jatyr. Vıktor men Leıla Hrapýnovtardan ózge sottalýshylar Qýandyq Beksultanov, Altaı Qasymov, ıAkov Zaıats, Abaı Saparov, Serık Esmuhanov, Aııar Ilıasov, Aınakúl Sadyqbaeva, Abdýl-Ǵazız Muqashev, Abylaıhan Qarymsaqov, Ǵabıden Qaıymsultanovtar sot aldynda jaýap bermek. Vıktor men Leıla Hrapýnovtar, Aııar Ilıasovqa syrttaı qamaýǵa alý túrinde bultartpaý sharasy qoldanyldy. Qalǵan tulǵalardan eshqaıda ketpeý týraly qolhat alý sharasy tańdaldy.