Hrapýnov pen Rysqalıevter el bıýdjetine asa iri zalal keltirdi - Qarjy polıtsııasy
ASTANA. 7 tamyz. QazAqparat - Ótken bir jarym jyldyń ishinde qarjy polıtsııasy 25 uıymdasqan qylmystyq top pen 1 qylmystyq qaýymdastyqtyń qyzmetin áshkereledi.
Bul týraly búgingi baspasóz máslıhatynda QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.
Onyń habarlaýynsha, atalǵan qylmystyq toptardyń quramynda 180 adam bolǵan. Osy ýaqytqa deıin olardyń 20-sy sottalǵan. Sońǵy jyldary uıymdasqan qylmystyq toptar ekonomıka jáne qarjy salalaryna belsendi aralasýda, qaıtarylmaıtyn nesıeler alý úshin paıdalanatyn jalǵan fırmalardy tirkeý, salyq tóleýden jaltarý jáne zańsyz jolmen tabylǵan aqsha qarajatyn qolma-qol aqshaǵa aýdarýmen aınalysady. «Memleket pen azamattarǵa eń iri zalaldy Atyraý oblysynyń burynǵy ákimi Bergeı Rysqalıevtiń uıymdasqan qylmystyq qaýymdastyǵy jáne Hrapýnovtardyń uıymdasqan qylmystyq toby keltirgen», - dep atap kórsetti M..Jumanbaı.
