HR Enbek-tegi saqtandyrý týraly habarlama neni bildiredi

Qazaqstan Respýblıkasynyń zańnamasyna sáıkes jumys berýshi jumyskerlerdi eńbek (qyzmettik) mindetterin oryndaý kezinde jazataıym oqıǵalardan saqtandyrýǵa mindetti. JOMS shartyn jasasý – zańnamada belgilengen mindetti talap. Mindetti saqtandyrý shartyn jasamaǵany úshin Qazaqstan Respýblıkasynyń zańnamasynda ákimshilik jaýapkershilik kózdelgen.

HR Enbek portalyndaǵy habarlamalar aqparattyq júıe qoldanystaǵy JOMS sharty týraly tıisti málimetterdiń joq ekenin anyqtaǵan jaǵdaıda avtomatty túrde qalyptastyrylady.

Habarlamalardy qalyptastyrý kezinde HR Enbek portalynda tirkelgen qoldanystaǵy eńbek sharttary týraly málimetter, sondaı-aq Biryńǵaı saqtandyrý derekqorynan kelip túsetin jáne Qazaqstan Respýblıkasy Eńbek jáne halyqty áleýmettik qorǵaý mınıstrliginiń tsıfrlyq júıelerimen ıntegratsııalanǵan JOMS sharttary týraly aqparat paıdalanylady.

Bul rette habarlamanyń alynýy jumys berýshi tarapynan zańnama talaptarynyń buzylǵanyn avtomatty túrde bildirmeıdi. Habarlama aqparattyq júıe anyqtaǵan málimetter arasyndaǵy sáıkessizdik týraly aqparat beredi jáne jumys berýshige derekterdi ýaqtyly tekserip, qajet bolǵan jaǵdaıda tıisti sharalar qabyldaýǵa múmkindik berý úshin joldanady.

Sáıkessizdikter, onyń ishinde jaqynda jasalǵan nemese uzartylǵan JOMS sharty týraly málimetterdiń aqparattyq júıelerge áli kelip túspeýine nemese jańartylmaýyna baılanysty týyndaýy múmkin.

Habarlama alǵan jaǵdaıda jumys berýshilerge:

• eger JOMS sharty jasalmaǵan nemese onyń qoldanylý merzimi aıaqtalǵan bolsa, belgilengen tártippen shart jasasý nemese onyń qoldanylý merzimin uzartý úshin saqtandyrý uıymyna júginý;
• eger JOMS sharty jasalǵan jáne qoldanysta bolsa, onyń qoldanylý merzimin, jumyskerlerdi qamtý tolyqtyǵyn jáne shart týraly málimetterdiń aqparattyq júıelerdegi derekterge sáıkestigin tekserý usynylady. Sáıkessizdikter anyqtalǵan jaǵdaıda derekterdi naqtylaý jáne jańartý úshin saqtandyrý uıymyna júginý qajet.

JOMS sharty jaqynda jasalǵan nemese uzartylǵan bolsa, saqtandyrý uıymy málimetterdi bergennen keıin jáne olar tıisti óńdeýden ótkennen soń aqparat júıede kórsetiletinin eskerý qajet. Osyǵan baılanysty HR Enbek portalyndaǵy aqparattyń jańartylýy belgili bir ýaqyt alýy múmkin.

Kelip túsken habarlamalar jumys berýshiniń jeke kabınetinde saqtalady.

Habarlama qaıtalap kelgen jaǵdaıda jumys berýshige JOMS sharty týraly málimetterdiń berilý jáne jańartylý mártebesin naqtylaý úshin saqtandyrý uıymyna júginý usynylady.

Mınıstrlik habarlamalardy jiberý aqparattyq-profılaktıkalyq sıpatqa ıe ekenin jáne jumys berýshilerdi zańnama talaptaryn saqtaý qajettigi týraly ýaqtyly habardar etýge, sondaı-aq qyzmetkerlerdiń saqtandyrylýyn qamtamasyz etýge baǵyttalǵanyn atap ótti.

Jumys berýshilerge JOMS sharttarynyń bar-joǵyn jáne qoldanylý merzimin ýaqtyly tekserý, sondaı-aq aqparattyq júıelerdegi qyzmetkerlerdi saqtandyrý týraly málimetterdiń ózektiligin qamtamasyz etý usynylady.

Osyǵan deıin jumys berýshiniń qyzmetkerge aıyppul salý múmkindigi týraly jadyq.