Hoým kredıt banki 2012 jyly depozıttik jáne nesıelik qorjynyn eki ese ulǵaıtty
ALMATY. 2 sáýir. QazAqparat - Búgin Almatyda «Hoým kredıt banki» AQ Halyqaralyq qarjylyq esep standarty boıynsha aýdıttelgen shoǵyrlandyrylǵan esep-qısabynyń derekterine sáıkes 2012 jyldaǵy qarjy jáne operatsııalyq qyzmetiniń nátıjelerin jarııalady.
Banktiń Basqarma tóraǵasy Pavel Matsonyń aıtýynsha, negizgi jetistikteri - nesıelik qorjynyn 66 859 mln. teńgege, depozıttik qorjynyn 28 558 mln. teńgege deıin eki ese kóbeıtýi. Máselen nesıelik qorjynnyń ósýi «Qazposhta» AQ bólimsheleri jelisi arqyly nesıe berýdiń ulǵaıýyna negizdeldi. 12 aı ishinde bankpen 38 mlrd. 777 mıllıon teńgeden asa nesıe berildi. Bul 2011 jylǵa qaraǵanda 152 paıyzǵa kóp. Al bank seriktesteri-saýda oryndarynda nesıe berý kólemi 74,6 paıyzǵa ósip, 2012 jyldyń aıaǵynda 32 132 mln teńgeni qurady. Nesıelik qorjyndaǵy kúdikti jáne senimsiz nesıelerdiń úlesi 5 paıyz boldy, bul orta naryqtyq kórsetkishten tómen.
Bank klıentteriniń salymdary 14 238 mln-nan 28 558 mln. teńgege jetti.
