Hostıng kompanııasynyń Data-ortalyǵyndaǵy olqylyqqa baılanysty Qazaqstanda birqatar saıt ashylmaı tur - D.Abaev
ASTANA. QazAqparat - PS.kz iri hostıng kompanııasynyń Data-ortalyǵyndaǵy olqylyqqa baılanysty Qazaqstanda birqatar saıt ashylmaı tur. Bul týraly Feısbýktegi resmı paraqshasynda Aqparat jáne kommýnıkatsııalar mınıstri Dáýren Abaev jazdy.
«Mınıstrlikke qazir birqatar qazaqstandyq saıt ashylmaı turǵany jaıly aqparat tústi. Bizdiń mamandar jaǵdaıdyń mán-jaıyn bilýge kiristi. Nátıjesinde PS.kz iri hostıng kompanııasynyń Data-ortalyǵyndaǵy olqylyq týyndaǵany belgili boldy. Qazir ony qalypqa keltirý jumystary júrgizilip jatyr», - delingen mınıstr jazbasynda.
Atap aıtar bolsaq, respýblıkalyq «Egemen Qazaqstan» gazetiniń saıty da ashpaı tur.
