Hosteldegi órtte azamattary qaıtys bolǵan Ózbekstan men Pákistan Ǵylym mınıstrligine júginbedi – Saıasat Nurbek

Hosteldegi órtte azamattary qaıtys bolǵan Ózbekstan men Pákistan Elshilikteri Ǵylym mınıstrligine júgingen joq. Bul týraly Ǵylym jáne joǵary bilim mınıstri Saıasat Nurbek aıtty, dep habarlaıdy Kazinform.

Úkimet otyrysynan keıingi brıfıngte agenttik tilshisi mınıstrden hosteldegi órtte azamattary qaıtys bolǵan Ózbekstan men Pákistan Elshilikteri Ǵylym mınıstrligine júgingen ne júginbegenin suraǵan edi.

«Bizge júgingen joq. Biraq, úkimettik komıssııa jumysy aıasynda Syrtqy ister mınıstrligi arqyly baılanystyń bar ekendigi anyq. Múrdeni jetkizýge qatysty barlyq is-áreket, búkil hattamalyq jáne protsedýralyq jaıttar tolyǵymen oryndaldy. Biz barlyq shyǵyndy óz moınymyzǵa aldyq. Bizge shaǵym túsken joq», - dedi Saıasat Nurbek.

Sonymen qatar ol elimizdegi barlyq hostelderdi tekserý múmkindigine qatysty saýalǵa jaýap berdi.

«Zańnamalyq naqty talap bar. Jeke kompanııalardy tekserýge moratorıı jarııalanǵan. Barlyq hostel jeke uıym sanalady. Sondyqtan da úkimettik komıssııa aıasynda bul talaptardy qalaı aınalyp ótýge qatysty nemese qalaı degende de tekserý júrgizý boıynsha qandaı da bir sheshim qabyldanyp qalar. Bul rette zańnama talaptaryn qatań ustaný qajet», - dedi mınıstr.