Hosnı Múbáraktyń ústinen jemqorlyqqa baılanysty qylmystyq is qozǵaldy
ASTANA. 8 sáýir. QazAqparat - Keshe, jeksenbi kúni halyqtyń narazylyǵyna sáıkes taǵynan taıǵan Mysyr prezıdenti Hosnı Múbáraktyń ústinen jemqorlyqqa baılanysty qosymsha qylmystyq is qozǵaldy.
Memlekettiń burynǵy basshysy qazynadan 160 mıllıon AQSh dollaryn jymqyrdy dep kúdiktelip otyr.
Qazirgi ýaqytta Hosnı Múbárak Kaır mańyndaǵy abaqtyda jatyr. Ómir boıy temir tordyń ar jaǵyna qamalady degen úkim kúshin joıdy. Ony 13 sáýir kúni qaıta qaraıdy. Jaqyn arada memlekettiń burynǵy basshysy túrmeden bosaıdy dep kútilgen edi. Alaıda osy iske baılanysty ony taǵy jarty aı qamaýda ustaıtyn boldy.
