Hosnı Múbaraktyń ushaqtary tartyp alyndy
ASTANA. 9 naýryz. QazAqparat - Mysyr basshylyǵy eldiń burynǵy prezıdenti Hosnı Múbaraktyń otbasyn, olardyń qaraýyndaǵy úsh ushaqtan aıyrý týraly sheshim qabyldady, dep habarlaıdy Utro.ru saıty.
Jergilikti buqaralyq aqparat quraldarynyń habarlaýynsha, prezıdenttik bort, joǵary laýazymdy qonaqtarǵa arnalǵan áskerı ushaq jáne eks-prezıdenttiń jeke áýe laıneri Múbaraktyń otbasy turyp jatqan Sharm-ál-Sheıh qalasynyń áýejaıynan alyp ketildi. «Qazirgi tańda Sharm-ál-Sheıh áýejaıynda burynǵy prezıdentke qatysty ne jekemenshik, ne memlekettik ushaq joq», - dep habarlady jýrnalısterge úkimettik derekkóz.
Múbaraktyń otbasyna qatysty qabyldanyp jatqan bul sharalar, bas prokýratýranyń sheshimi boıynsha prezıdent pen onyń otbasy múshelerine elden ketýge salynǵan tyıymmen baılanystyrylyp otyr. Eldiń quqyq qorǵaý organdary qazir Múbarak pen onyń týǵan-týystarynyń tabys kózderi týraly derekterdi tekserip jatyr.
