Hosnı Múbárákqa qatysty sot úkimin jarııalaý ýaqyty 29 qarashaǵa aýystyryldy
ASTANA. QazAqparat - Kaırdyń qylmystyq ister jónindegi soty senbige josparlanǵan Mysyrdyń burynǵy prezıdenti Hosnı Múbárákqa qatysty úkimdi jarııalaý kúnin keıinge shegerdi. Shaǵym boıynsha qaıta qaralǵan sot úkimi 29 qarashada jarııalanady.
Eske sala keteıik, Mysyrdyń eks-prezıdenti 2011 jyldyń 21 qańtardaǵy tóńkeriste sherýge shyqqandardyń ólimine kináli dep aıyptalyp otyr. Búgin 86 jastaǵy Hosnı Múbárák tikushaqpen áskerı gospıtaldan Polıtsııa akademııasynyń ǵımaratyna jetkizildi. Onymen birge, Múbáráktyń uldary, ІІM burynǵy basshysy al-Adlı men onyń alty kómekshisi de sotqa keldi.
