Hosnı Múbarak júrek qaǵysy toqtap, klınıkalyq ólim aýzynda jatyr
ASTANA. 30 maýsym. QazAqparat - Mysyrdyń burynǵy prezıdenti Hosnı Múbaraktyń hali múshkil. Alaıda, eks-prezıdenttiń densaýlyq jaǵdaıy týraly túrli qarama-qaıshy aqparat túsip jatyr,
dep habarlaıdy «Qazaqstan» telearnasy. Áýelde jergilikti «MENA» memlekettik agenttik Múbarak klınıkalyq ólimge dýshar boldy, degen aqpar taratqan. Al onyń týystary jáne dárigerler 84 jastaǵy saıasatker es-tússiz halde jáne qazir ol jasandy tynys alý apparatyna qosylǵan, dep habarlap otyr. Sondaı-aq, keshe Múbaraktyń júregi bir sátke toqtap, dárigerler onyń ómirin arashalap kalǵany belgili boldy. Sondyqtan, burynǵy prezıdent túrme aýrýhanasynan áskerı gospıtalge dereý kóshirilgen.
Aıta keteıik, Kaır soty Hosnı Múbarakqa ómir boıy bas bostandyǵynan aıyrý týraly úkim shyǵarǵannan keıin, onyń densaýlyǵy kúrt tómendep ketken. Oǵan byltyr úkimetke qarsy sherýlerde myńdaǵan adamdy qyrǵynǵa ushyratty, degen aıyp taǵylǵan.
