«Hose» daýylynyń qýaty tórtinshi dárejege jetti
ASTANA. QazAqparat - Shyǵystan Karıb basseınine qaraı tónip kele jatqan «Hose» daýyly juma kúni Saffır-Sımpson shkalasy boıynsha 5 deńgeıdiń tórtinshi dárejesine deıin kúsheıdi. Bul týraly TASS habarlady.
Daýyldardyń baǵytyn baqylaý jónindegi amerıkalyq ortalyqtyń málimetteri boıynsha, «Hose» daýylynyń epıtsentrindegi jeldiń kúshi juma kúni saǵatyna 240 km-ge jetti.
Daýyldyń oshaǵy shaǵyn Antıl araldarynan shyǵysqa qaraı 700 km qashyqtyqta keldi jáne ol saǵatyna 26 km jyldamdyqpen batysqa qaraı yǵysýda.
Boljam boıynsha daýylǵa qosa 50-den 150 mm qalyńdyqqa deıin jaýyn jaýyp, keıbir aýdandarda ol 250 mm-ge deıin jetedi.
«Irma» daýylynan soń kúsheıgen «Hose» jeksenbi kúni Pýerto-Rıko men Gaıtıden soltústikke qaraı jáne seısenbi tańa ata tropıkalyq daýyl deńgeıine deıin álsireıdi.
