Horvatııalyq fýtbolshylar ÁCh-daǵy tabysyn qaıyrymdylyqqa beretini jalǵan bolyp shyqty
ASTANA. QazAqparat - Fýtboldan Horvatııa ulttyq quramasynyń músheleri 2018 jylǵy Álem chempıonatynan tapqan tabystaryn túgel qaıyrymdylyqqa aýdaratyny týraly aqparat jalǵan bolyp shyqty, dep habarlaıdy QazAqparat tilshisi.
Eske sala keteıik, Horvatııa ulttyq quramasy mýndıaldan alǵan syıaqylaryn qaıyrymdylyqqa aýdaratyny týraly aıtylǵan bolatyn. Bul týraly horvatııalyqtardyń bas bapkeri Zlatko Dalıch Feısbýkte jazdy.
Biraq keıinnen anyqtalǵandaı, Zlatko Dalıch bul aqparattan habardarsyz bolyp shyqty. Sheteldik BAQ-tyń málimetinshe, Feısbýktegi hatty Z.Dalıchtiń atynan horvatııalyq jýrnalıst Igor Prımýjıchke jazǵan.
Jýrnalıstiń ózi Feısbýktegi paraqshasynda hatqa bapkerdiń eshqandaı qatysy joq ekenin, ony eldegi ahýalǵa jany ashıtyn otansúıgish retinde kóz aldyna elestetip, ózi jazyp shyqqanyn málimdedi.
Biraq Horvatııa ulttyq quramasynyń bas bapkeri Zlatko Dalıch buǵan qatysty ázirge resmı málimdeme jasaǵan joq.
