Horvatııadaǵy prezıdenttik saılaýda oppozıtsııa ókili jeńiske jetti
ASTANA. Qańtardyń 11-i. QazAqparat - Horvatııanyń Memlekettik saılaý komıssııasy elde ótken prezıdenttik saılaýdyń ekinshi týr bıýlletenderiniń 99,62 paıyzynyń qorytyndysy boıynsha aldyn ala nátıjeni jarııa etti,
dep habarlaıdy «RIA «Novostı» agenttigi.
Sóıtip, saılaýshylardyń 60,29 paıyzynyń daýysyn alǵan Sotsıal-demokratııalyq partııa ókili Ivo Iosıpovıch aıqyn jeńiske jetip otyr. Onyń qarsylasy Mılan Bandıch 39,71 paıyz daýys aldy. Prezıdenttik saılaýdyń ekinshi týryna atsalysqan elektorattyń sany 50,28 paıyzdy qurady.
Exit-polls málimetteriniń resmı derekterden aıyrmasy az ekendigin aıta ketý kerek. Saılaý ýchaskelerinen shyǵaberisterge júrgizilgen saýalnamalardyń qorytyndysyna sáıkes I.Iosıpovıch saılaýshylardyń 64,6 paıyzynyń daýysyn alsa, al Zagrebtiń burynǵy meri Mılan Bandıch 35,4 paıyz daýys alǵan.
Esterińizge sala keteıik, birinshi týrdyń qorytyndysy boıynsha da 32,4 paıyz daýyspen I.Iosıpovıch kósh bastap, al M.Bandıchke saılaýshylardyń 14,8 paıyzy daýys bergen edi.
