Horvatııadaǵy prezıdenttik saılaýda eldiń burynǵy premeri jeńiske jetti
NUR-SULTAN. QazAqparat – Horvatııa prezıdent saılaýynyń ekinshi kezeńinde oppozıtsııalyq Sotsıal-demokratııalyq partııanyń atynan saılaýǵa túsken eldiń burynǵy premer-mınıstri Zoran Mılanovıch jeńiske jetti, dep habarlaıdy QazAqparat euronews.som saıtyna silteme jasap.
Memlekettik saılaý komıssııasy bıýlletenderdiń 99%-yn tekserip shyǵyp, Mılanovıchtiń 53% daýys jınaǵanyn málim etti. Eldiń qazirgi prezıdenti Kolında Grabar-Kıtarovıchtiń nátıjesi - 47%.
Birinshi kezeńmen salystyrǵanda, prezıdenttikke úmitkerler arasyndaǵy aıyrmashylyq eki esege artty, alaıda áleýmettik saýalnama boıynsha ekinshi kezeńde aıqyn kóshbasshy bolǵan joq.
Daýys berý nátıjesi bılik basyndaǵy Grabar-Kıtarovıch qoldaıtyn «Horvatııa demokratııalyq dostastyǵy» partııasy úshin úlken soqqy boldy.
Eske sala etsek, 1 qańtardan bastap Eýropa odaǵynda tóraǵalyq etetin Horvatııada osy jyldyń sońynda parlament saılaýy ótedi.
