Horvatııadaǵy álem kýbogyna Qazaqstan quramasynan kimder qatysady
ASTANA. KAZINFORM – Halyqaralyq gımnastıka federatsııasy (FIG) Horvatııanyń Osıek qalasynda ótetin álem kýbogy kezeńine qatysýshylar tizimin jarııalady.
Resmı málimetke sáıkes, bul halyqaralyq týrnırde Qazaqstan quramasynyń namysyn 4 gımnast qorǵaıdy.
Qurama sapyna Mılad Karımı, Narıman Qurbanov, Zeınolla Ydyrysov jáne Іlııas Ázizov endi.
Aıta keteıik, Horvatııadaǵy álem kýbogy kezeńi 9-12 sáýir aralyǵynda ótedi.
Al osyǵan deıin Mysyrdyń Kaır qalasynda ótken kezeńde Qazaqstan quramasy 3 medal jeńip aldy. At snarıadyndaǵy jattyǵýda Zeınolla Ydyrysov kúmis júldege ıe bolsa, Narıman Kýrbanov 3-orynǵa turaqtady. Al Asan Salımov qol tirep sekirýden 2-oryn aldy.
Eske salsaq, budan buryn kórkem gımnastıkadan «Aphrodite Cup» týrnırinde elordalyq sportshylar Afınada top jarǵanyn jazǵan edik.
