Horvatııada jer silkinisinen qaza bolǵandar sany jeti adamǵa jetti

ZAGREB. QazAqparat – Horvatııada bolǵan kúshti jer silkinisi saldarynan qaza bolǵandardyń sany ósip jatyr, dep habarlaıdy QazAqparat Euronews aqparattyq agenttigine silteme jasap.

Sońǵy málimetter boıynsha, zilzala saldarynan kem degende jeti adam qaza tapty. Jerasty dúmpýlerdiń magnıtýdasy 6,3 boldy. Onyń oshaǵy el astanasy Zagreb qalasynan ońtústik-shyǵysqa qaraı 46 shaqyrym jerde ornalasqan, Tereńdigi 5 shaqyrym boldy.

Jer silkinisinen eń kóp zardap shekkender Glına qalasynyń mańynan tabylǵan, mundaǵy ǵımarattardyń shamamen 90 paıyzy qırady. Sondaı-aq, Petrınıa men Sısak qalalary aıtarlyqtaı zardap shekken. Ondaǵan adam aýrýhanaǵa jetkizilip, kóbi iz-túzsiz joǵaldy.

Jer silkinisin barlyq kórshi elderdiń turǵyndary da sezindi. Slovenııanyń «Krshko» AES-nyń jumysy ýaqytsha toqtatylǵan.

Eýroodaq bıligi Horvatııa halqyna barlyq qajetti kómek kórsetýdi ýáde etti. Aldaǵy ýaqytta elge EO-nyń arnaıy elshisi keledi.

Qıraǵan eldi mekenderdiń kóptegen turǵyndary dalada palatkalarda túneýge týra kelip otyr. Horvatııada barlyq shuǵyl qyzmetter men ásker jumyldyrylǵan.