Horvatııada iri orman órti baqylaýǵa alyndy

ASTANA. KAZINFORM – Horvatııanyń Splıt qalasynyń mańyndaǵy órtpen kem degende 250 órt sóndirýshi kúresti. Jalyn dúısenbiden beri janyp jatyr. Qazirgi kezde jaǵdaı turaqtandy, dep habarlaıdy Euronews. 

Horvatııada kólemi jaǵynan el astanasy Zagrebten keıingi ekinshi orynda turǵan Splıt qalasynyń mańynda orman órtiniń taralýyna tosqaýyl qoıyldy. Tótenshe jaǵdaılar qyzmeti ókilderiniń aıtýynsha, jaǵdaı sársenbi keshine qaraı turaqtandy.

Órtti sóndirýge 250 órt sóndirýshi jumyldyryldy. Olardyń eshqaısysy zardap shekken joq. Qaýip tóngen birneshe úıdiń turǵyndaryn evakýatsııalaýǵa týra keldi. Jergilikti joldar jabyldy. Azamattardy órt shyqqan aımaqqa jaqyn júrmeýge shaqyrdy.

Jalyndy sóndirý úshin Canadair ushaqtary qoldanyldy.

Órt dúısenbi, 26 tamyzda naızaǵaıdan keıin bastalyp, kelesi kúni qatty jeldiń áserinen kúsheıgen.