Horvatııada prezıdenttik saılaýdyń ekinshi týry bolady
BRıÝSSELЬ. QazAqparat - Búgin Horvatııada el prezıdenti saılaýynyń aldyn ala nátıjeleri jarııalandy. Memlekettik saılaý komıssııasynyń málimetterine qaraǵanda, qazirgi memleket basshysy Ivo Iosıpovıch 38,48 paıyz daýys jınady, onyń negizgi qarsylasy - syrtqy ister eks-mınıstri jáne «Horvat demokratııalyq dostastyǵy» oppozıtsııalyq partııasynyń múshesi Kolında Grabar-Kıtarovıch 37,18 paıyz daýysqa ıe boldy.
Qalǵan eki úmitker - «Tiri qabyrǵa» úkimettik emes uıymynan Ivan Sınchıch pen «Horvat tańsárisi» ońshyl radıkaldyq partııasynan Mılan Kýıýndjıch tıisinshe 16,43% jáne 6,30% daýys jınaýda. Bıýlletenderdiń jalpy sanynyń 1,61 paıyzy jaramsyz dep tanyldy.
Sóıtip, elde saılaýdyń ekinshi týry kútilýde, óıtkeni kandıdattardyń birde-bireýi saılaýshylardyń 50 paıyzynyń daýysyna qol jetkize almady. Ekinshi raýnd 2015 jylǵy 11 qańtarda bolady, prezıdenttik oryntaq úshin Ivo Iosıpovıch pen Kolında Grabar-Kıtarovıch kúresti jalǵastyrady. Saılaýshylardyń qarapaıym kópshilik daýysyn ıelengen úmitker Memleket basshysy bolady.
