Horvatııada prezıdent saılaýy ótýde
BRıÝSSELЬ. QazAqparat - Búgin Horvatııada prezıdent saılaýy ótip jatyr.
Qazirgi prezıdent Ivo Iosıpovıchten basqa, saılaýǵa burynǵy syrtqy ister mınıstri ári «Horvatııalyq demokratııalyq dostastyq» oppozıtsııalyq partııasynyń múshesi Kolında Grabar-Kıtarovıch, «Horvatııalyq tań» quqyqtyq-radıkaldyq partııasynyń kóshbasshysy Mılan Kýıýndjıch, sondaı-aq «Jandy qorǵan» eýroskeptıkalyq qozǵalysynyń belsendisi Ivan Sınchıch qatysýda.
Jaqynda júrgizilgen saýalnama qorytyndylary boıynsha, qazirgi prezıdentti elektorattyń shamamen 46,5 paıyzy qoldap otyr. Onyń jaqyn qarsylasy Kolında Grabar-Kıtarovıch el turǵyndarynyń 34,9 paıyzynyń qoldaýyna súıene alady. Horvatııa prezıdenti daýys berýdiń majorıtarlyq júıesi boıynsha bes jyldyq merzimge saılanady, bir adam bul qyzmetke eki retten kóp saılana almaıdy. Memleket basshysy bolyp saılaýdyń birinshi kezeńinde 50 paıyzdan astam daýysqa ıe bolǵany nemese ekinshi kezeńge iriktelgen eki úmitker ótken soń sonyń eń kóp daýys jınaǵany saılanady. Saılaýdyń ekinshi kezeńi, eger qajet bolsa, 2015 jyldyń 11 qańtarynda ótedi.
