Horvatııada qajylar mingen avtobýs apatqa ushyrap, 12 adam qaza tapty

NUR-SULTAN. QazAqparat - Horvatııanyń soltústik-batysynda avtobýs apatqa túsip, odan12 adam qaza taýyp, 30-dan astamy jaraqat aldy, dep habarlaıdy QazAqparat polıak BAQ-qa silteme jasap.

Qaıǵyly oqıǵa Varajdın men Zagreb qalalarynyń arasyndaǵy kúre jolynda oryn alǵan. Avtobýs júrgizýshisi tizginge ıe bola almaı, joldan shyǵyp ketken. Salonda 42 jolaýshy men eki júrgizýshi bolǵan.

Polsha Syrtqy ister mınıstrliginiń habarlaýynsha, avtobýstaǵy adamdar Bosnııa jáne Gertsegovınadaǵy Medjýgore qalasynda ornalasqan hramǵa qajylyq jasaýǵa bara jatqan.

Medjýgore - Bosnııa jáne Gertsegovınadaǵy shaǵyn eldi meken, ol búkil 1 mıllıonǵa jýyq hrıstıandardyń jyl saıynǵy qajy ortalyǵy.

Polsha men Horvatııanyń premer-mınıstrleri men syrtqy ister mınıstrleri qaıǵyly oqıǵany talqylady.

Horvatııanyń tótenshe jaǵdaılar qyzmetiniń basshysy Maııa Grba Býevıch zardap shekken 30 adamnyń 18-i jergilikti aýrýhanalarǵa jetkizilgenin, olardyń jaǵdaıy aýyr ekenin málim etti.

Oqıǵa ornyna 16 jedel járdem kóligi jiberilgen.

Foto: polskieradio.pl