Horvatııada 2 qańtar - jer silkinisi qurbandaryn aza tutý kúni
ZAGREB. QazAqparat – Horvatııa úkimeti 2 qańtardy resmı túrde seısenbide bolǵan 6,3 baldyq jer silkinisinen qaza tapqandardy aza tutý kúni dep jarııalady. Bul týraly QazAqparat HINA agenttigine silteme jasap habarlaıdy.
«Men osy másele boıynsha respýblıka prezıdentimen jáne parlament tóraǵasymen keńestim. Olar da osy sheshimdi qoldaıdy», - dedi eldiń premer-mınıstri Andreı Plenkovıch.
Úkimet otyrysy sársenbi kúni jer silkinisi qurbandaryn bir mınýt únsizdikpen eske alýmen bastaldy.
Eske sala keteıik, seısenbide 6,3 baldyq jer silkinisi tirkelgen edi. Zilzala oshaǵy Horvatııa astanasy Zagreb qalasynyń ońtústik –shyǵysynda 46 shaqyrym jerde ornalasqan. Tereńdigi - 5 shaqyrym.
Agenttiktiń habarlaýynsha, zilzala saldarynan qaza tapqandar sany jeti adamǵa jetti.
Horvatııadaǵy jer asty dúmpýleri dúısenbi kúni tańerteńnen beri toqtaǵan joq. Sońǵy 49 saǵat ishinde elde 40 jer asty dúmpýi tirkelgen. Jer asty dúmpýleri Italııada, Slovenııada, Bosnııa men Gertsegovınada, Serbııada jáne Avstrııanyń ońtústik-shyǵys aımaqtarynda sezildi.
Foto: the-sun.com
