Horvatııa Shengen aımaǵyna qosylýǵa daıyndalyp jatyr

ZAGREB. QazAqparat – 2023 jyldyń 1 qańtarynan bastap Horvatııa Shengen aımaǵyna qosylady. Buǵan deıin osy kelisimge qol qoıǵan 27 memleket sııaqty resmı Zagreb soltústiktegi kórshileri – Slovenııa jáne Vengrııamen shekaralyq baqylaýdy joıady. Bul týraly QazAqparat Euronews-ke silteme jasap habarlaıdy.

«Biz, polıtsııa qyzmetkerleri, shekaradan ótý aımaǵynan shyǵamyz. Shekaradaǵy baqylaýdy qaıta engizý múmkindigin joqqa shyǵarýǵa bolmaıdy, sondyqtan baqylaý-ótkizý pýnktteri men basqa da ınfraqurylym qalady. Alaıda júkter men jolaýshylardyń erkin aınalymyn qamtamasyz etý úshin pandýstar men basqa da tekserý quraldary joıylady», - dedi Bregana shekara beketi basshysynyń orynbasary Marııan Býrıch,

Horvatııanyń Shengenge qosylýy Eýroaımaqqa kirýimen bir kúnde ótýi tıis. Buǵan 10 qarashada Eýroparlamenttiń plenarlyq otyrysynda ruqsat berilgen. Bul 9 jeltoqsanda Eýroodaq ishki ister mınıstrleriniń kezdesýi qbaldanýy tıis sońǵy sheshim.

Slovenııa Horvatııanyń Shengen aımaǵyna músheligin qoldaıdy. Alaıda, 2017 jylǵy shekaralyq arbıtraj kelisiminiń taǵdyry áli belgisiz. Bul kelisim eki memleket 20 jyldan astam ýaqyt sheshimin taba almaǵan qurlyq pen teńiz shekarasynyń baǵytyn anyqtady.

Foto: Darko Bandic/ AP