Horvatııa resmı túrde Eýroodaqqa endi
ASTANA. 1 shilde. QazAqparat - Búgin Horvatııa resmı túrde Eýropalyq odaqtyń 28-inshi múshesi boldy.
Eldiń EO-ǵa enýi Eýropadaǵy qarjy daǵdarysymen tuspa-tus kelse de, nebári 20 jyl buryn ǵana táýelsizdigin alǵan shaǵyn memleket úshin bul mańyzdy qadam bolyp tabylady. Bul týraly RBK habarlaıdy.
1 shilde kúni tańerteń Horvatııanyń ókilderi Eýroodaqtyń túrli organdarynda ózderiniń mindetterin oryndaýǵa kirisedi. Elde Eýroparlamentke saılaý bıylǵy sáýir aıynda ótken bolatyn.
Eske sala keteıik, Horvatııa EO-ǵa múshelikke ótinimdi 2003 jyly berdi, 2004 jyldyń ortasynda memleketke úmitker mártebesi berildi. 2006 jyly el zańnamasy EO talaptaryna sáıkestendirildi, biraq Slovenııamen aradaǵy shıeleniske baılanysty EO-ǵa ený keıinge qaldyryldy. Eldiń EO-ǵa qosylýy týraly Kelisimge Zagreb pen Brıýssel 2011 jyldyń 9 jeltoqsanynda qol qoıdy.
