Horvatııa prezıdenti bolyp áıel adam saılandy
ASTANA. QazAqparat - Horvatııa eliniń qazirgi prezıdenti, 57 jastaǵy sotsıal-demokrat Ivo Iosıpovıch jeksenbi kúni ótken memleket basshysyn kezekti saılaýda jeńiliske ushyrap, óziniń oryntaǵyn oppozıtsııa atynan shyqqan úmitker, 46 jastaǵy Kolında Grabar-Kıtarovıchke usynýǵa májbúr boldy.
Memlekettik saılaý komıssııasynyń jarııalaǵan qorytyndylary boıynsha, Grabar-Kıtarovıch jeksenbi kúni ótken saılaýdyń ekinshi kezeńinde 50,43 paıyz daýysqa ıe boldy. Iosıpovıchke saılaýshylardyń 49,57 paıyzy daýys bergen. Azamattardyń saılaýǵa qatysýy 58,9 paıyzdy qurady.
Horvatııa tarıhynda altynshy ret ótkizilgen prezıdenttik saılaýda erekshe jaǵdaılar oryn aldy: úmitkerlerge daýys berýshiler aıyrmasy shamamen 20 myń daýysqa deıin jetti, al bıýlletenderdi sanaý kezinde kósh basyndaǵy úmitkerdiń esimi úzdiksiz ózgerip turdy. Osylaısha, Horvatııa eli 1991 jyly óz táýelsizdigin alǵan kezinen bergi tarıhynda alǵash ret áıel adam el prezıdenti bolyp saılandy, dep habarlaıdy RIA Novostı.
