Horvatııa men Aýstrııada qalyń qar jol qozǵalysyna kedergi keltirgen

ZAGREB. QazAqparat – Horvatııada qys bastalǵanda kún jylynyp, alǵashqy qar jaýǵan. Alaıda Lıka men Gorskı-Kotar óńirlerine qar ádettegiden kóp túsken, dep habarlaıdy QazAqparat Euronews-ke silteme jasap.

Eldiń basqa bóliginde, ásirese ońtústikte qatty jańbyr jaýyp, sırokko jeli soqqan.
Tumannan Horvatııanyń ishki jáne soltústik aýdandarynda jol kórinbeı qalǵan.
Keıbir memlekettik jáne okrýgtik joldarda, ásirese Lıka men Gorskı-Kotarda tirkemesi bar júk kólikteriniń qozǵalysyna tyıym salyndy.
Qalyń qardan Aýstrııanyń ońtústiginde jol-kólik oqıǵaasy jıilep, jolda keptelis paıda bolǵan jáne elektr aqaýy bolǵan.
Karıntııanyń ońtústik federaldy shtatynda shamamen 13 myń tutynýshy jaryqsyz qaldy.
Shtırııadaǵy A2 tas jolyndaǵy Pak asýynda birneshe júk kóligi turyp qalyp, keıbir joldar qulaǵan aǵashtardyń kesirinen jabylǵan.
Sonymen qatar, bılik qar saldarynan butaqtardyń qulaý qaýpine baılanysty qoǵamdyq saıabaqtarǵa barmaýǵa shaqyrdy.

Foto: Matthias Schrader/ AP