Horvatııa quramasy úshinshi márte álem chempıonaty jartylaı fınalyna shyqty
Qatarda ótip jatqan 2022 jylǵy álem chempıonatynda horvatııalyq fýtbolshylar 9 jeltoqsanda 1/8 fınalda Brazılııa quramasyn penaltı serııasynda qapy qaldyryp ketti. Negizgi kezeńde esep ashylmaı, overtaımda 1:1 esebi tirkeldi. Penaltı serııasynda Horvatııanyń joly boldy.
Atalǵan oıynda Neımar gol salý jóninen Pelemen teńesti.
Buǵan deıin horvatııalyq fýtbolshylar 1998 jyly jartylaı fınalda Frantsııaǵa 1:2 esebimen jol berdi. 3-oryn úshin saıysta Nıderlandty 2:1 esebimen tize búktirip, qola júldeger atandy.
Al 2018 jyly jartylaı fınalda Anglııany overtaımda 2:1 esebimen jeńip, fınalda Frantsııaǵa 2:4 esebimen ese jiberdi. Nátıjesinde kúmis medal aldy.
Eske salsaq, horvatııalyq qaqpashy penaltı serııasynda seıv jasaýdan rekordtyq kórsetkishti qaıtalady.
Dál qazir shırek fınaldaǵy Nıderlandy men Argentına kezdesýi «Qazaqstan» men «Qazsport» telearnalarynan tikeleı efırde kórsetilýde.
Foto: championat.com
