Horvatııa Qazaqstannyń áleýmettik bastamalaryn quptaıdy

ASTANA. QazAqparat - Qazaqstannyń Elshisi Tólejan Barlybaev Horvatııanyń Syrtqy jáne eýropalyq isteri mınıstriniń orynbasary Amır Mýharemımen kezdesti, dep habarlaıdy QR SІM baspasóz qyzmeti.

Suhbat barysynda Elshi horvat tarapyna Prezıdent Nursultan Nazarbaevtyń bes áleýmettik bastamasy týraly aıtty.

Horvat mınıstri Elbasynyń áleýmettik bastamalaryn quptady. Onyń aıtýynsha, aýqymdy áleýmettik baǵdarlamardy júzege asyrý eki el arasyndaǵy iskerlik yntymaqtastyqqa qolaıly jaǵdaı jasaıdy. Atap aıtqanda, horvat tarapy aldyńǵy qatarly tehnologııalardy qoldana otyryp, halyq úshin qoljetimdi turǵyn úı qurylysyna qatysty birinshi prezıdenttik bastamany iske asyrýǵa járdemdesýge daıyndyǵyn bildirdi.

Dıplomat joǵary bilim sapasyn arttyrý jáne stýdenttik jastardyń ómir súrý jaǵdaılaryn jaqsartý maqsatynda úshinshi prezıdenttik bastamany júzege asyrýda yntymaqtastyqtyń keń múmkindikterin atap ótti.

Kezdesý barysynda halyqaralyq kún tártibindegi ózekti máseleler boıynsha pikir almasý bolyp ótti. Elshi Qazaqstannyń ıAdrolyq qarýǵa tyıym salý týraly shartqa (RSAA) qol qoıyǵany, 2017-2018 jyldary BUU Qaýipsizdik Keńesiniń turaqty emes múshesi retinde qyzmeti, Sırııa boıynsha Astana protsesi jáne basqa da mańyzdy máseleler týraly habarlady. Eki el arasyndaǵy BUU, EQYU jáne basqa da halyqaralyq uıymdar aıasyndaǵy yntymaqtastyq múmkindikteri talqylandy.