Horvatııa Qazaqstandy BUU Qaýipsizdik Keńesindegi tóraǵalyǵymen quttyqtady
Qazaqstan Respýblıkasynyń elshisi Tólejan Barlybaev Horvatııa Respýblıkasynyń vıtse-premeri - Syrtqy jáne eýropalyq ister mınıstri Marııa Peıchınovıch-Býrıchpen kezdesti.
Kezdesý barysynda Horvatııa Syrtqy ister mınıstrliginiń basshysy Qazaqstandy BUU Qaýipsizdik Keńesindegi tóraǵalyǵymen quttyqtap, aldaǵy ýaqytta qazaqstandyq dıplomattarǵa tabystar tiledi. Horvatııa BUU Qaýipsizdik Keńesiniń 2031-2032 jyldary turaqty emes múshesi bolýǵa qozǵalys usyndy.
Qazaqstan men Horvatııa arasyndaǵy dıplomatııalyq qatynastardyń 25 jyldyǵyna oraı M. Peıchınovıch-Býrıch ekijaqty qatynastardyń jaı-kúıi men damý keleshegine joǵary baǵa berdi. Ózara saýda-sattyqtyń ósýi baıqaldy, onyń kólemi 2017 jyly qazaqstandyq statıstıka boıynsha 325 mln dollardan asty. Ótken jyldyń qazan aıynda ótkizilgen vedomstvoaralyq konsýltatsııalardyń mańyzy zor boldy, nátıjesinde 2018-2020 jyldarǵa arnalǵan eki syrtqy saıası vedomstvo arasyndaǵy yntymaqtastyq josparyna qol qoıyldy.
Horvatııanyń SІM basshysy Astanadaǵy «EKSPO-2017» halyqaralyq mamandandyrylǵan kórmesiniń tabysty uıymdastyrylýyn atap ótti jáne Horvatııa azamattaryna 30 kúnge deıin vızasyz rejim engizý úshin qazaqstandyq áriptesterge alǵysyn bildirdi.
Elshi Elbasy Nursultan Nazarbaevtyń Qazaqstan halqyna «Tórtinshi ónirkásiptik revolıýtsııa jaǵdaıyndaǵy jańa múmkindikteri» Joldaýdyń mazmuny týraly málimet berdi. Qujatta kórsetilgen tapsyrmalardy júzege asyrylýy eki el arasyndaǵy saýda-ekonomıkalyq jáne ınvestıtsııalyq yntymaqtastyq úshin qolaıly múmkindikter týǵyzatynyn atap ótti. Otandyq dıplomat Syrtqy ister mınıstrine quqyqtyq bazany keńeıtý, syrtqy saıasat pen salalyq vedomstvolar arasyndaǵy baılanystardy jandandyrý, saýda-ekonomıkalyq jáne mádenı-gýmanıtarlyq yntymaqtastyqty damytý jóninde júrgizilip jatqan jumystar týraly aqparat berdi.
Kelissózder nátıjesinde birqatar mańyzdy kelisimderdiń kúshine enýi úshin ishki zańnamany jetildirý jáne quqyqtyq bazany jetildirý týraly kelisimderge qol jetkizildi. Sondaı-aq, Qazaqstandaǵy Horvatııa Elshiliginiń josparlanǵan ashylýymen jáne Horvatııa ókilderiniń XI Astana ekonomıkalyq forýmyna, Astanadaǵy Álemdik jáne dástúrli dinder kóshbasshylarynyń VI sezine jáne basqa da is-sharalarǵa qatysý máseleleri talqylandy.
