Horvatııa fýtbolshylary ÁCh-nan alǵan tabystaryn qaıyrymdylyqqa aýdardy

ASTANA. QazAqparat - Fýtboldan Horvatııa ulttyq quramasynyń barlyq oıynshysy Reseıde ótken 2018 jylǵy Álem chempıonatynan alǵan búkil syıaqysyn Balalarǵa kómek qoryna tabys etedi. Bul týraly Feısbýkte komanda bas bapkeri Zlatko Dalıch málimdedi, dep habarlaıdy QazAqparat.

«Qurama komanda jáne barlyq oıynshylar Álem chempıonatynan alǵan aqshalaı syıaqylarynyń barlyǵyn Horvatııanyń balalarǵa kómek arnaıy qoryna tabystaıdy. Bul qor Horvatııanyń ómirinde Adrıat teńizin kórmegen áleýmettik jaǵdaıy tómen otbasynan shyqqan balalardyń jazǵy demalysyn teńiz jaǵasynda ótkizýin qarjylandyrady (...)Horvat balalary eń bolmaǵanda jeti kún teńiz jaǵasynda demalý múmkindigine ıe. Bul - fýtbolshylardyń balalar úshin isteı alatyn amaldarynyń biri. Horvatııanyń barsha azamattaryna Álem chempıony tıtýlyn elge ákelý úshin qoldan kelgenniń bárin isteımiz dep ýáde beremiz», - dep jazdy Zlatko Dalıch.

Aıta keteıik, Horvatııa Balqan túbeginde ornalasqan el. Batysy men ońtústik-batysynda Adrıat teńizimen shektesedi.

Eske sala keteıik, Álem chempıonatynda kúmis júldege ıe bolǵan Horvatııaǵa FIFA 28 mln dollar syıaqy beretinin habarlaǵan edik.

Frantsııaǵa qarsy ótken fınaldyq oıyn qarsańynda Horvatııanyń jartylaı qorǵaýshysy Ante Rebıch óz aýyldastarynyń barlyǵynyń nesıesin jaýyp bergen bolatyn.