Horvatııa astanasynda latyn álipbıiniń jańa úlgisi tanystyryldy

ASTANA. QazAqparat - Horvatııadaǵy Matıa Gýbıtsa atyndaǵy Zagreb mektebinde qazaq tiliniń qazirgi zamanǵy damýyna jáne Qazaqstanda latyn álipbıin bekitilýine arnalǵan mádenı is-shara ótti, dep habarlaıdy QazAqparat SІM baspasóz qyzmetine silteme jasap.

Horvatııadaǵy Qazaqstan Elshiligi Halyqaralyq ana tili kúni aıasynda mekteptiń stýdentteri men oqytýshylary úshin «Latyn álipbıindegi qazaq tili» taqyrybynda ashyq sabaq ótkizdi. Sonymen birge Abaı Qunanbaevtyń poemalary men Shámshi Qaldaıaqovtyń tanymal ánderiniń tusaýkeseri men Qazaqstannyń jetistikteri týraly beınerolık kórsetti.
 

Іs-shara barysynda qazaq aýyz ádebıetiniń erekshe dástúrleri - aqyndardyń óneri, eń baı folklory men eposy, sondaı-aq jarqyn ádebı, aqyndyq jáne fılosofııalyq murasy atap ótildi. Bul turǵyda Qazaqstan basshylyǵynyń ana tilin jáne mádenıetin saqtaý, ony damytý jónindegi qabyldanǵan sharalarynyń mańyzdylyǵy basa aıtyldy.

El Prezıdenti Nursultan Nazarbaevtyń bastamasymen usynylǵan «Rýhanı jańǵyrý» jalpyulttyq baǵdarlamasynyń júzege asyrylýy jáne qazaq álipbıin latyn árpine kóshirý Qazaqstannyń lıngvıstıkalyq, mádenı jáne rýhanı damýyn jańa dáýirge shyǵaratyny týraly aıtyldy.

Aıta keteıik, Halyqaralyq ana tili kúni 1999 jyly ıÝNESKO-nyń bastamasymen jarııalandy jáne jyl saıyn 21 aqpanda álemdik til jáne mádenı dástúrlerin damytý maqsatynda atalyp ótiledi.