Horvatııa 2026 jyldan bastap óz áýe keńistigin derbes baqylaýǵa alady

ASTANA. KAZINFORM — Horvatııa 2026 jyldyń 1 qańtarynan bastap eldiń áýe kúshterimen qyzmet etetin frantsýzdyq Rafale joıǵysh ushaqtaryn paıdalanyp, óz áýe keńistigin baqylaýǵa alýdy josparlap otyr. Bul týraly Report agenttigi jazdy.

Qorǵanys mınıstrligi áýe keńistigin qadaǵalaý men qorǵaýdy NATO-nyń áýe jáne zymyran qorǵanysynyń biriktirilgen júıesi aıasynda júzege asyrylatynyn atap ótti.

— 2026 jyldyń 1 qańtarynan bastap Horvatııa Respýblıkasy Rafale kópmaqsatty jaýyngerlik ushaǵyn paıdalana otyryp, óziniń áýe keńistigin baqylaý men qorǵaýdy óz moınyna alady, — delingen aqparatta.

Aıta keteıik, tamyz aıynda Iran Izraılmen ýaqytsha bitim jasasqannan keıin áýe keńistigin tolyq ashqan bolatyn. 

Jeltoqsan aıynyń basynda Venesýela óziniń áýe keńistiginde egemendigin jarııalady. Eldiń Syrtqy ister mınıstri Ivan Gıl Pınto eshbir kúsh Venesýela halqy men úkimetin egemendikten aıyra almaıtynyn, bul halyqaralyq quqyqpen kepildendirilgenin aıtty.