Horeografııa akademııasynda Konstıtýtsııaǵa ózgeris engizý týraly talqylaý ótti

ASTANA. QazAqparat - Búgin «Qazaq ulttyq horeografııa akademııasy» KAQ «Qazaqstan Respýblıkasynyń Konstıtýtsııasyna ózgerister men tolyqtyrýlar engizý týraly» Qazaqstan Respýblıkasy Zańynyń jobasyn búkil halyqtyq talqylaý týraly ǵylymı keńes otyrysyn ótkizdi.

«Ǵylymı keńes otyrysyn Qazaq ulttyq horeografııa akademııasynyń rektory - Altynaı Asylmuratova ashty. Rektor Elbasy usynǵan jańa saıası reformanyń memleket bolashaǵy úshin mańyzdylyǵyn atap ótip, demokratııalyq damý jolyndaǵy tarıhı sheshim bolatynyna erekshe toqtaldy», - dep habarlaıdy akademııanyń baspasóz qyzmeti.

Otyrysta, akademııanyń zań bólimi basshysy - Poladbek Mýsın, akademııanyń barlyq qurylymdyq bólimderinen 199 adam qatysyp talqylanǵan Qazaqstan Respýblıkasy Zańy jobasynyń sheshimin baıandady.

Sondaı-aq, otyrysta «Pedagogıka» fakýltetiniń dekany - Svetlana Kokshınova, «Baletmeısterlik» fakýltetiniń dekany - Gúlnara Saıtova, «Kontsertmeısterlik sheberlik jáne mýzyka teorııasy» kafedrasynyń meńgerýshisi - Toıǵan Іzim talqylaýǵa qatysty óz pikirlerin usyndy.