Hopman Kýbogy: Qazaqstan quramasy Serbııaǵa ese jiberdi
ASTANA. 4 qańtar. QazAqparat - Avstralııanyń Pert qalasynda ótip jatqan Hopman kýbogy matchynda Qazaqstan quramasy Serbııadan 3-0 esebimen utylyp qaldy. Bul aqparatty QR Tennıs federatsııasynyń baspasóz qyzmetinen habarlady.
Tartysty báseke álemniń burynǵy birinshi raketkasy Ana Ivanovıchtiń qazaqstandyq sportshy ıAroslava Shvedovany 7:6, 6:1 esebimen utýymen bastaldy. Kezekti oıynda alańǵa shyqqan qazaqstandyq tennısshi Andreı Golýbev alǵashqy sátte Novak Djokovıchti utqanymen kelesi eki partııada 3:6, 1:6 esebimen ese jiberýge májbúr boldy. Juptasyp óner kórsetýde de serbter basymdyq tanytty, esep 7:6, 6:4.
Aıta keteıik, týrnır avstralııalyq tennısshi ári jattyqtyrýshy Garrı Hopmannyń qurmetine ótkizilýde. Ol atalǵan eldiń ulttyq quramasynyń 1938-1969 jyldary aralyǵynda Devıs kýbogyn 15 márte jeńýine óz úlesin qosqan bolatyn.
