Hopkıns Golovkınǵa qarsy kezdesýge qyzyǵýshylyq bildirip otyr
ASTANA. QazAqparat - 49 jastaǵy amerıkalyq Bernard Hopkıns qazaqstandyq Gennnadıı Golovkınge qarsy kezdesýge qyzyǵýshylyq bildirgenin rastady, dep habarlady Boxingscene.com.
Óziniń kelesi kezdesýin Hopkıns reseılik Sergeı Kovalevqa qarsy ótkizedi. Bul kezdesý osy jyldyń qarashasynda ótedi. Alaıda sodan keıin Hopkıns Golovkınmen ótetin kezdesý úshin birneshe keliden arylýǵa daıyn. Amerıkalyq boksshy kezdeskisi keletin eki sportshynyń atyn atady - Andre Ýord pen Gennadıı Golovkın.
Eske sala keteıik, Bernard Hopkınstiń Beıbit Shúmenovke qarsy kezdesýi 20 sáýir kúni ótip, amerıkalyqtyń paıdasyna sheshilgen bolatyn. Golovkınǵa keler bolsaq, ol óziniń sońǵy kezdesýin 27 shilde kúni AQSh-ta ótkizdi jáne rıngke eki-úsh aıdan keıin qaıtyp kelýge daıyn. Alaıda WBA jáne IBO álem chempıonynyń kelesi qarsylasynyń esimi áli atalǵan joq, dep jazady vesti.kz.
