Hopkıns: Golovkın Djeıkobsten oısyraı jeńiledi
ASTANA. QazAqparat - Eki salmaq sanatyndaǵy álemniń burynǵy chempıony Bernard Hopkınstiń pikirinshe, Denıel Djeıkobs IBF/IBO/WBA/WBC tujyrymdary boıynsha orta salmaqtaǵy álem chempıony Gennadıı Golovkındi jeńedi.
Olardyń kezdesýi 18 naýryzda Nıý-Iorkte ótedi.
«Bul aıqasta Golovkın oısyraı jeńiledi. Djeıkobs tartysty jekpe-jekte tóreshiler sheshimimen utady dep oılaımyn. Ýordtyń Kovalevti jeńgeni sııaqty bul asa kúrdeli de bolmaıdy, uzaq talqylanbaıdy da. Dennı erekshe kúshin kórsetýge ázir ekenine kúmánim joq.
Qaǵaz júzinde Golovkınge basymdyq beriledi. Onyń rekordynda nokaýtty jeńister kóp. Onymen básekelese alatyn qarsylastar da az boldy. Ol sońǵy eki aıqasynda óziniń álsiz tustaryn baıqatyp qoıdy. Alaıda ol qarsylasynyń qaýip dárejesi men soqqysynyń aýyrlyǵyn baǵalaı alatyn ardager», degen Hopkınstiń sózin keltirdi BoxingScene.
