Honda 1,2 mıllıon kóligin qaıta jóndeıdi
ASTANA. QazAqparat - Japonııalyq avtokólik kontserni AQSh-ta satylǵan Accord markaly kólikterin qaıta jóndeýden ótkizýge múddeli. Amerıkalyq júrgizýshilerden túsken shaǵymdardan keıin kompanııa basshylyǵy osyndaı sheshimge kelip otyr. Bul týraly CNN málimdedi.
Resmı aqparatqa oraı, 2013-2016 jyldar aralyǵynda AQSh naryǵyna arnalyp qurastyrylǵan Accord sedanynda aqaý tabylǵan. Gıbrıdti kóliktiń elektr energııasyn jınaqtaıtyn batareıasy sensorlary motordyń ishki janý protsesine kedergi keltiredi. Nátıjesinde motordyń janyp ketý qaýpi bar.
Honda kompanııasynyń AQSh-taǵy klıentterine júrgizilgen saýalnamaǵa oraı, atalǵan aqaýlyq kesirinen zardap shekkender joq. Kólikterdi monıtorıngteý úderisi osy aıdyń sońyna deıin júrgizilip, tolyǵymen jóndeý sharalary iske asyrylady.
