Holokost oqıǵasynan aman qalǵan 113 jastaǵy keıýana qaıtys boldy
ASTANA. KAZINFORM – Holokost oqıǵasynan aman qalǵandar arasynda eń kári sanalǵan Roýz Jırone dúnıe saldy. Bul týraly onyń otbasy men Holokostan aman qalǵandarǵa ótemaqy tóleıtin uıym málim etti, dep habarlaıdy «Amerıka daýysy».
Claims Conference málimetinshe, áıel Nıý-Iork shtatynda Belmordaǵy qarttar úıinde qaıtys boldy.
Uıym habarlaǵandaı, kúıeýi tutqyndalyp, Býhenvaldtaǵy natsıstik kontslagerge jiberilgen kezde Roýz Jırone ol júktiliktiń segizinshi aıynda bolǵan. Kúıeýi bostandyqqa shyqqan soń otbasy Breslaýdan Germanııaǵa, odan keıin Shanhaıǵa qashty.
– Roýz qaıratty, tózimdi áıel edi. Ol jantúrshigerlik oqıǵalardan moıymaı shyǵýǵa tyrysty. Ol óte salmaqty, sanaly edi. Bala kezimnen oǵan usynyp, ol sheshýge kómektespegen esh jaǵdaı bolǵan joq, - dep málimdedi Holokostan aman qalǵan onyń qyzy Reha Bennıkasa.
Claims Conference málimetinshe, Holokost oqıǵasynan aman qalǵan 245 myńǵa jýyq adam áli tiri jáne olardyń 14 myńǵa jýyǵy Nıý-Iorkte turady.
Aıta ketelik elordada Holokost qurbandaryn eske alýǵa arnalǵan kesh ótken edi.