Holokost kezinde japa shekkenderge Frantsııa bıligi 60 mln. dollar ótemaqy tólemek
ASTANA. QazAqparat - Ekinshi dúnıejúzilik soǵys kezinde holokost qurbandaryn frantsýz temir jol kompanııasymen tasymaldaǵany úshin Frantsııa bıligi qarymaqy tóleý týraly AQSh-pen kelisimge keldi, dep habarlady VVS.
Taraptar ótemaqy qory 60 mln. dollar ekenin jarııalady.
Qarymaqyny soǵys kezinde kontslagerlerge adam tasymaldaǵan SNCF memlekettik kompanııasy óteıtin bolady. Buǵan deıin AQSh zańgerleri fashıstik Germanııaǵa qyzmet etkeni úshin SNCF kompanııasymen temir jol kelisimsharttaryn jasaspaý kerektigin aıtqan. Holokost kezinde atalǵan temir jol kompanııasymen kontslagerlerge barlyǵy 76 myńǵa jýyq evreı tasymaldandy. Alaıda, birqatar tarıhshylar SNCF kompanııasyn sol kezde Frantsııanyń birqatar aýmaǵyn jaýlap alǵan Germanııa áskeri májbúrlegenin alǵa tartty. 2010 jyly temir jol kompanııasynyń basshylyǵy soǵys kezindegi qyzmetteri úshin keshirim surady.
