Holokost: Evreılerdi qutqarýǵa atsalysqan dıplomattarǵa arnalǵan kórme ótedi

Kórme QR Tuńǵysh Prezıdenti - Elbasynyń kitaphanasynyń «Mádenıet arqyly únqatysý» halyqaralyq jobasy aıasynda Izraıl memleketiniń Elshiligimen birlesip uıymdastyrylyp otyr.

Holokost qurbandaryn eske alý halyqaralyq kúni 2005 jyly BUU Bas assambleıasynyń qararymen bekitildi. 1945 jylǵy 27 qańtarda Osventsım ajal lageri keńes áskerleriniń kúshimen azat etildi.

Atalmysh kórme óz ómirlerine tónip turǵan qaýipke qaramastan Holokost qyrǵynynan evreılerdi qutqarýǵa atsalysqan «Álem halyqtarynyń taqýalary» esimderin máńgi este saqtaý.

2017 jyldyń sońynda ıAd Vashem (Yad Vashem) memorıaldyq kesheniniń tiziminde Álem halyqtarynyń taqýalary bolyp tanylǵan 27 myń adamnyń esimi jarııalandy. Olardyń arasynda jazyqsyz adamdardy qutqarý jolynda resmı nusqaýdan bas tartqan dıplomattar da bar. Olardyń keıbiri aqyr sońynda jumystan bosatylyp, evreı jurtyna qol ushyn bergeni úshin óz bedelinen aıyryldy.

Kórme materıaldary Álem halyqtarynyń taqýalary ataǵymen marapattalǵan dıplomattar týraly aqparatty qamtıdy, sonymen qatar Holokost kezindegi úreıli jyldary qandaı jaǵdaılar oryn alǵanyn baıandaıdy.

QR Tuńǵysh Prezıdenti - Elbasy kitaphanasynda 30 qańtar kúni ashylatyn kórme 16 aqpanǵa deıin jalǵasady.