Hokkeıshi Talǵat Jaılaýov «Baryspen» synaq kelisimshartyn jasasty
ASTANA. QazAqparat - Shabýylshy Talǵat Jaılaýov «Barys» hokkeı klýbymen synaq kelisimshartyn jasasty, dep habarlaıdy «SPORTINFORM» klýbtyń resmı saıtyna silteme jasap.
Óskemen hokkeı mektebiniń túlegi elordalyq ujym sapynda on jyldan beri óner kórsetip keledi. Mundaı kórsetkishpen tek Roman Starchenko men Roman Savchenko ǵana maqtana alady. Osy kezeń barysynda 33 jastaǵy hokkeıshi Qurlyq hokkeı lıgasynda 415 kezdesý ótkizip, 180 upaı jınaǵan (75+105). 2014 jyly Talǵat QHL Juldyzdar matchyna da qatysqan bolatyn.
