Hokkeıshi Damır Ryspaev áskerge shaqyrtý aldy
ASTANA. QazAqparat - Elordalyq «Barys» klýbynyń hokkeıshisi, Qurylyqtyq hokkeı lıgasynda tafgaı retinde tanymal Damır Ryspaev áskerı qyzmet ótkerýge ketýi múmkin.
Hokkeıshiniń QR Qarýly Kúshteri qatarynda qyzmet ótkerýge shaqyrtý alǵany týraly aqparatty «Barys» HK baspasóz qyzmeti rastady.
«Bar aıtarymyz osy. Sebebi ári qaraı ne bolatyny sheshilmedi. Shaqyrtý qujatyna qol qoıylǵan joq, sondyqtan eshteńe aıta almaımyz», - dedi klýb baspasóz hatshysy Oleg Jýrkevıch.
Qazirgi ýaqytta «Barys» qorǵaýshysy Damır 2016 jyly qańtarda aýysqan «Nomad» klýbynda oınap júr. Budan buryn ony Sporttyq tártip komıteti ótken maýsymda match kezinde birneshe ret janjal shyǵarǵany úshin bes oıynǵa qatysý quqyǵynan aıyrǵan.
