Hokkeıden jastar arasyndaǵy álem chempıonatynda Qazaqstan Norvegııadan basym tústi
ASTANA. QazAqparat - Hokkeıden jastar arasyndaǵy álem chempıonatynyń «A» tobyndaǵy tórtinshi matchtyń aıasynda Qazaqstan quramasy Norvegııa komandasymen kezdesti.
Birinshi kezeńde Norvegııa oıynshylary Iesper Nıpe men Magnýs Henrıksen qazaqstandyq komandanyń qaqpasyna bir-bir shaıbadan kirgizdi. Ekinshi jıyrma mınýtta qazaqstandyq Álıhan Ásetov esepti teńestirdi. Oıynnyń úshinshi kezeńinde het-trıkti resimdegen Álıhan Ásetov komandasyn overtaımǵa ótkizdi. Býllıtter toptamasynda Vladımır Volkov Qazaqstanǵa jeńis syılady, dep jazady Sports.kz.
20 jeltoqsan kúni Qazaqstan quramasy Avstrııa komandasymen oınaıdy.
