Hokkeıden jastar arasyndaǵy álem chempıonaty tikeleı efırde kórsetiledi
ASTANA. QazAqparat - 2018 jyldyń 26 jeltoqsany men 2019 jyldyń 6 qańtary arasynda Kanadanyń Vankýver men Vıktorııa qalasynda jastar arasyndaǵy álem chempıonatynyń Joǵarǵy dıvızıony ótedi, dep habarlaıdy QazAqparat.
Atalǵan jarysqa 10 komanda qatysady: Qazaqstan, Kanada, Chehııa, Shvetsııa, AQSh, Reseı, Fınlıandııa, Slovakııa, Shveıtsarııa jáne Danııa.
Aıta keteıik, «Qazaqstan» teleradıokorporatsııasy jastar arasyndaǵy Álem chempıonatyntranslıatsııalaý quqyǵyna ıe boldy. Atalǵan matchty «QAZSPORT» telearnasy tikeleı efırde kórsetedi.
Aıta keteıik, Qazaqstan quramasy «V» tobynda Fınlıandııa, Slovakııa, Shvetsııa jáne AQSh-pen kezdesedi.
Qazaqstan jastar quramasy birinshi dıvızıonnyń «A» tobynda bes kezdesýin jeńispen aıaqtap, Joǵarǵy dıvızıonǵa joldama alǵan bolatyn.
