Hokkeıden jastar arasyndaǵy álem chempıonaty: Qazaqstan Vengrııany jeńdi

ASTANA. QazAqparat – Hokkeıden jastar arasyndaǵy álem chempıonatynda (birinshi dıvızıon, A toby) Qazaqstan ekinshi matchty Vengrııamen ótkizdi, dep habarlaıdy QazAqparat Sports.kz saıtyna silteme jasap.

Aleksandr Istomın muz aıdynyna kelesi quramdy shyǵardy: Shefer (Osokın) — Avdeenko – Breýs, Logvın – Ermak – Qaıyrjan; Roev – Nıkıtın, Saparbek –Nurlan – Mukanov; Gavrılenko – Tsarev, Morojnıkov – Tsybın – Shaporov; Bazko –Júsipbekov, Popov – Ospanov – Lıapýnov.

Birinshi kezeńde esep ashylmady. Ekinshi kezeńde Roman Sheferdiń qaqpasyna eki shaıba endi. Al sońǵy jıyrma mınýtta qazaqstandyqtar esepti teńestirip qana qoımaı, jeńiske jete aldy. Danııl Tsybın – 1, Dinmuhamed Qaıyrjanov 2 shaıbany qaqpaǵa engizdi. Esep – 3:2.

Osylaısha, qazaqstandyqtar týrnırde alǵash ret jeńiske jetti. Buǵan deıin olar Frantsııadan jeńilgen bolatyn (2:0).

Kelesi kezdesý sársenbiden beısenbige qaraǵan túni, astana ýaqytymen saǵat 01.00-de bastalady. Qarsylas – Danııa quramasy.