Hokkeıden Prezıdent Kýbogynyń alǵashqy oıyndaryn qaıdan kórýge bolady
ASTANA. QazAqparat - 9 tamyzda hokkeıden toǵyzynshy QR Prezıdentiniń Kýbogy bastalady, dep habarlaıdy «SPORTINFORM».
Týrnır Qazaqstan quramasy men Nıjnekamskiniń «Neftehımıgi» arasyndaǵy oıynmen ashylady. Kelesi bolyp muz aıdynynda alań ıeleri men Habarovskiniń «Amýr» komandasy ózara synǵa túsedi.
Týrnırdiń barlyq matchtaryn tikeleı efırde Qazsport, QHL-TV jáne QHL-TV HD telearnalary kórsetedi.
Birinshi oıyn kúniniń kestesi:
14:00 «Qazaqstan quramasy» - «Neftehımık»
19:30 «Barys» - «Amýr»
Eske salaıyq, buǵan deıin Qazaqstan quramasy men «Barys» komandalary týrnırge qatysatyn quramdaryn ataǵan edi. Andreı Nazarov komandasynyń aldaǵy QR Prezıdenti Kýbogyna qatysýyna baılanysty pikir bildirdi.
